Ամռան շոգ օրերին հատկապես սիրտն ու արյան անոթներն ավելի խոցելի են դառնում

Ամռան շոգ օրերին որոշ օրգաններ ու համակարգեր՝ հատկապես սիրտն ու արյան անոթները, ավելի խոցելի են դառնում։ «Էրեբունի» ԲԿ-ի Անոթային և լազերային վիրաբուժական ծառայության ղեկավար, անոթային վիրաբույժ  Արամ Բադալյանը նշում է, որ այդ ռիսկի խմբում են մտնում հատկապես այն մարդիկ, ովքեր ունեն երակների վարիկոզ լայնացում։

Վարիկոզ լայնացումը երակների ձևի փոփոխություն է, որը արտահայտվում է պարկանման լայնացումներով և հանգուցանման փոքր հանգույցներով։ Այդ երևույթը հաճախ հանդիպում է ներքին վերջույթների, ուղիղ աղիքի և հազվադեպ՝ մարսողական համակարգի երակներում։

Վիճակագրական տվյալներով՝ կանայք այս հիվանդությամբ հիվանդանում են տղամարդկանց համեմատ երեք անգամ ավելի հաճախ։

Երակների լայնացման առաջացման մեջ կարևոր դեր են խաղում ի ծնե երակային պատերի թուլությունը, անոթային անոմալիաները և մկանային շերտի էլաստիկության փոփոխությունները։

Ամռանը հիվանդները պետք է հատուկ հոգ տանեն իրենց անոթների առողջության մասին և անհրաժեշտության դեպքում դիմեն մասնագետի։