Ամենից շատ կարդացված նյութեր
.jpg "Մարդկությունը չպետք է վերադառնա ջունգլիների օրենքին. Չինաստանի նախագահ")
Մարդկությունը չպետք է վերադառնա ջունգլիների օրենքին. Չինաստանի նախագահ
«Մարդկությունը պետք է խաղաղ համակեցության մեջ լինի և երբեք չվերադառնա ջունգլիների օրենքին»,-ասել է Չինաստանի նախագահ Սի Ծինփինը։
Չինացի առաջնորդն այս կարծիքը հայտնել է Երկրորդ համաշխարհային պատերազմում Հաղթանակի 80-ամյակի կապակցությամբ Ժողովրդական մեծ դահլիճում կայացած ընդունելության ժամանակ։
«Մեկ մոլորակի վրա ապրող մարդկությունը պետք է խաղաղ համակեցության մեջ լինի և երբեք չվերադառնա ջունգլիների օրենքին, որտեղ ուժեղը հաղթում է թույլին», -Վեստի.ռու-ի հաղորդմամբ նշել է նա։
Հիշեցնենք, որ այսօր Պեկինում կայացել է Երկրորդ համաշխարհային պատերազմի ավարտի 80-ամյակին նվիրված հանդիսավոր շքերթին։Միջոցառմանը ներկա են եղել Շանհայի համագործակցության կազմակերպության գագաթնաժողովին մասնակցող պետությունների ղեկավարները, ինչպես նաև մի շարք այլ երկրների առաջնորդներ։ Շքերթին ներկա է եղել Նիկոլ Փաշինյանը տիկնոջ՝ Աննա Հակոբյանի հետ։
Բարձրաստիճան հյուրերին դիմավորել են Չինաստանի Ժողովրդական Հանրապետության նախագահ Սի Ծինփինը և տիկին Պեն Լուանը։ Շքերթի ընթացքում ելույթով հանդես է եկել ՉԺՀ նախագահ Սի Ծինփինը։
Տոնական միջոցառումների շրջանակում Սի Ծինփինի և տիկին Պեն Լուանի անունից տրվել է պաշտոնական ընդունելություն՝ ի պատիվ պետությունների ղեկավարների և նրանց տիկնանց։
Studio One