Ամենից շատ կարդացված նյութեր
.png "Սերդար Քըլըչի գլխավորած պատվիրակությունը Մարգարայի անցակետով կայցելի Հայաստան")
Սերդար Քըլըչի գլխավորած պատվիրակությունը Մարգարայի անցակետով կայցելի Հայաստան
Մարգարա-Ալիջան սահմանային անցակետի գործունեության վերաբերյալ թուրքական և հայկական պատվիրակությունների առաջիկա հանդիպումը նախատեսված է հաջորդ շաբաթվա սկզբին; Լուրը հաղորդում է NTV-ն՝ հղում անելով թուրքական դիվանագիտական աղբյուրներին:
«Դեսպան Սերդար Քըլըչի գլխավորած պատվիրակությունը Ալիջանի անցակետով կմեկնի Հայաստան հաջորդ շաբաթվա սկզբին: Միջկառավարական պատվիրակությունների առաջիկա հանդիպման ժամանակ կարող են որոշումներ կայացվել երկրների միջև հարաբերությունները կարգավորելու վերաբերյալ, իսկ պաշտոնյաները կարող են նաև քննարկել նախկինում ընդունված որոշումների իրականացման ընթացքը»,-հաղորդում է հեռուստաալիքը:
Նախորդ հանդիպումների ժամանակ ՀՀ խորհրդարանի փոխխոսնակ Ռուբեն Ռուբինյանը և Քըլըչը համաձայնության էին եկել բեռնատար չվերթները վերսկսելու և սահմանի բացման համար ենթակառուցվածքներ պատրաստելու վերաբերյալ: Նրանք նաև համաձայնության են եկել դիվանագիտական անձնագրեր ունեցողների համար վիզայի ստացման ընթացակարգը պարզեցնելու և երրորդ երկրների քաղաքացիներին սահմանը հատելու թույլտվություն տալու վերաբերյալ, սակայն այդ որոշումները դեռևս ուժի մեջ չեն մտել, նշում է հեռուստաալիքը:
Studio One