Մեր խանութներում լինելու են ադրբեջանական ապրանքներ. Ալեն Սիմոնյան

«Ես մի անգամ նման բան ասել եմ, ինձ քննադատեցին։ Շատ կարճ ժամանակահատվածում հայերը և ադրբեջանցիներն առևտուր են անելու իրար հետ, մենք ունենալու ենք միասնական շուկա։ Մեր խանութներում լինելու են ադրբեջանական ապրանքներ, իսկ հայկական ապրանքները լինելու են Բաքվի ու մնացած քաղաքների  խանունթերում, և դա ան-խու-սա-փե-լի է։ Ինչքան էլ ուզում եք, կենացներ խմեք, ասել ասող, թռեք օդ, իջեք ներքև, անխուսափելի է»,-լրագրողների հետ հանդիպմանը ԱԺ-ում հայտարարեց նա։

Նրա համոզմամբ, մարդիկ գնալու են Ադրբեջանից բենզին առնեն, քանի որ այնտեղ էժան է, «քշի Թուրքիա, նոր եմ իմացել» հայտնի անեկդոտի խոսույթը վերանալու է։