Թրամփը խոստացել է հետաքննել Սորոսի գործունեությունը

ԱՄՆ նախագահ Դոնալդ Թրամփը Fox News-ին տված հարցազրույցում խոստացել է հետաքննություն անցկացնել հունգարա-ամերիկացի ֆինանսիստ և միլիարդատեր Ջորջ Սորոսի դեմ՝ ամերիկյան քաղաքներում տեղի ունեցող բողոքի ցույցերի պատճառով: Ռիա նովոստին գրում է, որ միևնույն ժամանակ, Սպիտակ տան ղեկավարը չի նշել, որ խոսքը կոնկրետ Ջորջ Սորոսի մասին է, սահմանափակվելով միայն Սորոս ազգանունով:

«Մենք պատրաստվում ենք հետաքննություն սկսել Սորոսի նկատմամբ, քանի որ կարծում եմ, որ «Կոռումպացված կազմակերպությունների դեմ պայքարի մասին» օրենքի (RICO)  դեմ գործը նրա և այլ անձանց դեմ է։ Սա ավելին է, քան պարզապես բողոքի ցույցեր։ Սա իրական ագիտացիա է։ Սա փողոցներում անկարգություններ են, և մենք կզբաղվենք դրանով», - ասել է նա։

Թրամփի խոսքով, Միացյալ Նահանգներում գործում են «պրոֆեսիոնալ ագիտատորներ», որոնք գումար են ստանում, մասնավորապես, Սորոսից։