ՀԱՊԿ-ն արձանագրում է, որ Ադրբեջանն իր համար նույնքան եղբայրական պետություն է, ինչքան Հայաստանը. Փաշինյան

«ՀԱՊԿ-ն արձանագրում է, որ Ադրբեջանն իր համար նույնքան եղբայրական պետություն է, ինչքան Հայաստանը և որ ՀԱՊԿ-ը ճանաչում է  Ադրբեջանի տարածքային ամբողջականությունը», -«Համապարփակ անվտանգություն և դիմակայություն-2025» անվտանգային միջազգային համաժողովի ընթացքում ասաց Նիկոլ Փաշինյանը։

Նա նշեց, որ այս նախադասությանը երբեք չեն առերեսվել. «Մեզ թվացել է որոշակի բանաձեր ենք գտնելու՝ ասելու,  թե ինչ է նկատի առնվում Ադրբեջանի տարածքային ամբողջականությունը»։ 

Փաշինյանի խոսքով, այս արձանագրումը  ՌԴ նախագահը վերահաստատել է 2020 թվականի նոյեմբերի 18-ին և դեկտմբերի 17-ին՝ ասելով, որ ԼՂ տարածքը միջազգային իրավունքի տեսակետից Ադրբեջանի մաս է և միշտ էլ համարվել է այդպես։

«Այսինքն, ռազմաքաղաքական դաշինքի անվտանգության այս առաջնային կոնցեպտը Ղարաբաի շուրջ տեղի ունեցող իրադարձությունների համատեքստում չաշխատեց»,- ասաց Փաշինյանը։