Ամենից շատ կարդացված նյութեր
.jpg "ՄՕԿ. Մտահոգված ենք, որ մրցումները բոյկոտվում կամ չեղարկվում են քաղաքական պատճառներով")
ՄՕԿ. Մտահոգված ենք, որ մրցումները բոյկոտվում կամ չեղարկվում են քաղաքական պատճառներով
«Հակամարտություններից բզկտված աշխարհում սպորտը պետք է մնա հույսի փարոս. մենք խորապես հավատում ենք դրան: Այս գործառույթը գտնվում է օլիմպիական շարժման սրտում»,- այս մասին նշված է Միջազգային օլիմպիական կոմիտեի հայտարարության մեջ։
ՄՕԿ-ը կարծում է, որ բոլոր անհամաձայնությունները պետք է լուծվեն երկխոսության միջոցով, այլ ոչ թե բռնությամբ:
«Մենք խիստ մտահոգված ենք, որ աշխարհի տարբեր երկրներում մրցումները խափանվում են, մարզիկների մուտքը սահմանափակվում է, իսկ մրցումները բոյկոտվում կամ չեղարկվում են քաղաքական պատճառներով: Այս ամենը զրկում է մարզիկներին մրցելու իրավունքից և խանգարում է օլիմպիական շարժմանը՝ ցուցադրելու սպորտի միավորող ուժը»,- նշված է հայտարարության մեջ:
ՄՕԿ-ը հիշեցնում է, որ օլիմպիական խարտիայի համաձայն, շարժման մասնակիցները պետք է պահպանեն քաղաքական չեզոքություն: Սա, մարզական կազմակերպությունների ինքնավարության հետ մեկտեղ, բազմիցս հաստատվել է ՄԱԿ-ի բանաձևերով։
«Այս ամենի մասին վկայեց Փարիզի խաղերը, որտեղ 206 երկրների ներկայացուցիչներ միասին ապրեցին օլիմպիական գյուղում և մրցեցին նույն ասպարեզներում։ Հետևելով այս ուղղությանը, ՄՕԿ-ի գործկոմը մտադիր է գտնել միջոց, որպեսզի բոլոր ազգային օլիմպիական կոմիտեների ներկայացուցիչները կարողանան մրցել Դաքարում 2026թ. կայանալիք պատանեկան օլիմպիական խաղերում», - ՀԱՕԿ հաղորդմամբ, ասվում է հայտարարության մեջ։
Հանդիպման ժամանակ հայտարարվել է նաև նոր աշխատանքային խմբի ստեղծման մասին, որի նպատակը կլինի պաշտպանել օլիմպիական հիմնարար սկզբունքները.
«Սա նպատակ ունի ապահովել, որ ՄՕԿ-ը, օլիմպիական խաղերը և սպորտը, որպես ամբողջություն, շարունակեն մնալ քաղաքականապես չեզոք և կատարեն աշխարհը մրցակցության միջոցով միավորելու իրենց առաքելությունը։ Մարզիկները հնարավորություն կունենան ցուցադրել իրենց նվիրվածությունը օլիմպիական արժեքներին և դառնալ օլիմպիական հիմնարար սկզբունքների դեսպաններ»։
Studio One