Արցախը Հայաստանի վահանն էր, վահանն ընկավ. Սերգեյ Մելքոնյան

Հինգ տարի անցավ Լեռնային Ղարաբաղի պատերազմից։ Ուղիղ հինգ տարի առաջ Ադրբեջանը Թուրքիայի ուղիղ աջակցությամբ պատերազմ սկսկեց Արցախի ու Հայաստանի դեմ»,-գրում է վերլուծաբան Սերգեյ Մելքոնյանը։

Նա ընդգծում է, որ Բաքվի համար պատերազմը շարունակվում է, այսօր այն տեղափոխվել է Հայաստանի տարածք ոչ ռազմական միջոցներով։

«Դրանց թվում են՝ Հայաստանի ապառազմականացման ծրագիրը (ռազմական բյուջեի և զինվորական ծառայության տևողության կրճատում), պետական ​​(սահմանադրական փոփոխությունների միջոցով) և ազգային հիմքերի խաթարումը, Հայաստան-Արցախ-Սփյուռք եռամիասնության խաթարումը, Հայ եկեղեցու թուլացումը, «պատմական Ադրբեջանի» մաս համարվող «իրական Հայաստանի» մասին պատմվածքի ստեղծումը և ժողովրդագրական հավասարակշռության փոփոխության նախապատրաստումը (հարյուր հազարավոր ադրբեջանցիների Հայաստան վերաբնակեցման միջոցով): Պատմությունը կհիշի բոլոր նրանց, ովքեր արդարացնում են այս կետերից յուրաքանչյուրի իրականացումը:

Արցախը Հայաստանի վահանն էր: Վահանն ընկավ: Սուրը հանձնելը ինքնասպանություն է: Հավերժական փառք ընկած հերոսներին»,-գրել է նա։