Երևանում հրդեհի պատճառով հյուրանոցից տարհանել են 30 քաղաքացի, այրվել են գորգեր. Նոր Մանրամասներ

Երևան քաղաքի Արմենակյան փողոցում գտնվող հյուրանոցներից մեկի նկուղում բռնկված հրդեհի հետևանքով մեկ քաղաքացի տեղափոխվել է բժշկական կենտրոն։ Հյուրանոցի շենքից տարհանվել է 30 քաղաքացի. հրշեջ-փրկարարներին հաջողվել է կանխել հրդեհի տարածումը դեպի հյուրանոցի պահեստ և խոհանոց։

Հիշեցնենք, որ հոկտեմբերի 6-ին, ժամը 12։07-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել հիշյալ հասցեում։ Հրդեհը մեկուսացվել է ժամը 12։36-ին, մարվել՝ 12։53-ին։ Նկուղային հարկում այրվել է մոտ 4 խմ պահեստավորած գորգ։