Ռոնալդուն գլխավորում է ամենաբարձր վարձատրվող ֆուտբոլիստների ցանկը

Պորտուգալացի հարձակվող Կրիշտիանու Ռոնալդուն վերադարձրել է աշխարհի ամենաբարձր վարձատրվող ֆուտբոլիստի իր դիրքը՝ գլխավորելով Forbes ամսագրի ամենամյա վարկանիշային աղյուսակը։

Սաուդյան Արաբիայի «Ալ-Նասր» ակումբի աստղի տարեկան ընդհանուր եկամուտը կազմել է 280 միլիոն դոլար, որից մոտ 50 միլիոն դոլարը ստացվել է գովազդային պայմանագրերից։

Երկրորդ տեղը զբաղեցրել է «Ինտեր Մայամիի» Լիոնել Մեսսին, ով վաստակել է 130 միլիոն դոլար, որից մոտավորապես 70 միլիոնը ստացվել է գովազդային պայմանագրերից:

Առաջին և երկրորդ տեղերը զբաղեցրած խաղացողների միջև եկամտի այս զգալի տարբերությունը ամենամեծն է նման վարկանիշային աղյուսակների պատմության մեջ: