Մուսաևը պատասխանել է, թե ինչու Սպերցյանը չի մեկնել Եվրոպա

«Կրասնոդարի» մարզիչ Մուրադ Մուսաևը մեկնաբանել է կիսապաշտպան Էդուարդ Սպերցյանի որոշումը, ով մերժել էր ամռանը «Սաութհեմփթոն» տեղափոխվելու առաջարկը: Մուսաևի խոսքով, Սպերցյանը քննարկել է այդ հարցը իր և Սերգեյ Գալիցկու հետ: Սակայն մարզիչը նշել է, որ ոչ ոք չի կարող ստիպել խաղացողին մնալ ակումբում:

«Էդիկը տանը խոսել է իր ընտանիքի հետ։ Կարծում եմ՝ նրա ներկայիս դիրքորոշումն ավելի ծանրակշիռ էր. նա չեմպիոնական ակումբի ավագ է, այստեղ է մեծացել և կցանկանար մնալ՝ ավելի շատ տիտղոսներ նվաճելու համար», - Մուսաևի խոսքերն է մեջբերում «ՌԲ Սպորտ»-ը։

euro-football.ru-ն գրում է, որ այս մրցաշրջանում 25-ամյա Սպերցյանը բոլոր մրցաշարերում անցկացրել է 16 խաղ՝ խփելով հինգ գոլ և կատարելով տասը գոլային փոխանցում։