Արմենը սպանել է ռուս Պոլիտիկին

Համացանցում հայտնվել են «Փակ դպրոց» սերիալի օպերատոր Սերգեյ Պոլիտիկի սպանության կադրերը։ծ

Կինոռեժիսոր և օպերատոր Սերգեյ Պոլիտիկը դանակահարվել է Մոսկվայի Ստալևարով փողոցում գտնվող իր տան մուտքի մոտ։ Քննչական կոմիտեի տվյալներով՝  տղամարդը նկատողություն է անում մեկ այլ տղամարդու, ով ի պատասխան դանակահարում է Պոլիտիկին։

Սերգեյին տեղափոխել են հիվանդանոց, սակայն նրան փրկել չի հաջողվել։

SHOT-ի հրապարակած կադրերում երևում է, թե ինչպես է մարդասպանը թաշկինակով սրբում արյունը դանակի վրայից և թաքցնում այն։ Մեկ վայրկյան անց կադրում հայտնվում է վիրավոր Պոլիտիկը, որը դեմքով ընկնում է մայթեզրին։ SHOT-ի տվյալներով՝ 33-ամյա մարդասպան Արմեն Ս.-ն Հայաստանի քաղաքացի է։