Իտալիայի մրցավարների ասոցիացիան ընդունել է՝ Հենրիխ Մխիթարյանի խախտումից հետո նշանակված 11-մետրանոցը սխալ էր

Իտալիայի Ֆուտբոլային դատավորների ասոցիացիայի (AIA) ղեկավարությունը ամփոփել է Սերիա A-ի «Նապոլի» – «Ինտեր» (3:1) հանդիպման վիճահարույց դրվագների վերլուծության արդյունքները։ Sportaran-ի հաղորդմամբ, տեսանյութերի մանրամասն դիտարկումից հետո պարզվել է, որ հանդիպման գլխավոր մրցավար Մաուրիցիո Մարիանին սխալ է թույլ տվել նշանակելով 11-մետրանոց հարված, իսկ նրա օգնական Դանիելե Բինդոնին՝ կոպիտ վրիպում։

Հանձնաժողովի եզրակացությամբ՝ 11-մետրանոցի համար հիմքեր չեն եղել․ որոշումը կայացվել է օգնականի սխալ խորհրդատվության հետևանքով։ Երկու arbitрներն էլ ժամանակավորապես կասեցվել են Սերիա A-ի խաղերի սպասարկումից, իսկ օգնականը ավելի խիստ պատժի կենթարկվի։

11-մետրանոցը նշանակվել էր հանդիպման 30-րդ րոպեին՝ Հենրիխ Մխիթարյանի խախտումից հետո Ջովանի Դի Լորենցոյի նկատմամբ։ Ինքը՝ Մխիթարյանը, բախման արդյունքում վնասվածք է ստացել և ստիպված է եղել լքել դաշտը։

Մանրամասն՝ սկզբնաղբյուր կայքում։