Հաղարծինում ավտոբուսի վթարից մեկ տուժածի առողջական վիճակը գնահատվում է ծանր. ԱՆ

Առողջապահության նախարարությունից հայտնում են.

«Այսօր Հաղարծին վանական համալիրի մոտակայքում տեղի ունեցած ավտոբուսի վթարի հետևանքով նախնական տվյալներով 18 տուժած տեղափոխվել է մարզային բժշկական կենտրոն։

Այս պահին անցնում են անհրաժեշտ հետազոտությունները, ստանում համապատասխան բուժօգնություն :

Մեկ տուժածի առողջական վիճակը գնահատվում է ծանր, այս պահին վիրահատվում է, մյուսներինը` միջին ծանրության:

Ըստ անհրաժեշտության` հանրապետական շտապօգնության ծառայության միջոցով կկազմակերպվի երևանյան բուժհաստատություններ տեղափոխումը:

Կտրամադրենք լրացուցիչ տեղեկատվություն` ավելի ուշ: