Ծանրամարտիկ Աննա Ամրոյանը 130 կգ ծանրաձողը պոկելով սահմանեց Եվրոպայի նոր ռեկորդ

Հայաստանի ծանրամարտի ֆեդերացիայից հայտնում են, որ Հայաստանի հավաքականի անդամ Աննա Ամրոյանը դարձավ Եվրոպայի երիտասարդների և մինչև 23 տարեկանների առաջնությունների բրոնզե մեդալակիր:

«Ալբանիայի Դուրրես քաղաքում ընթացող Եվրոպայի երիտասարդների և մինչև 23 տարեկանների առաջնություններում պայքարի մեջ մտան 77 կգ քաշային աղջիկները: Հայաստանից Աննա Ամրոյանը պոկեց 98 կգ: Հրում վարժությունում Ամրոյանը նախ բարձրացրեց 126 կգ, այնուհետ 130 կգ, որը Եվրոպայի նոր ռեկորդ էր: Այս ձևում Ամրոյանը երկրորդն է:

Երկամարտի 228 կգ արդյունքով` Աննա Ամրոյանը դարձավ Եվրոպայի առաջնության բրոնզե մեդալակիր»: