84 տարեկանում մահացել է ԱՄՆ նախկին փոխնախագահը

84 տարեկանում մահացել է ԱՄՆ նախկին փոխնախագահ Դիկ Չեյնին։ Այս մասին գրում է CNN-ը՝ Ջորջ Բուշի տեղեկալին ներկայացնելով որպես Ամերիկայի ամենաազդեցիկ ժամանակակից փոխնախագահը և «ահաբեկչության դեմ պատերազմի» գլխավոր ճարտարապետը, որը սխալ ենթադրությունների հիման վրա օգնեց երկիրը տանել դեպի անհաջող իրաքյան պատերազմ։

ԱՄՆ 46-րդ փոխնախագահը 2001-2009 թվականներին երկու ժամկետով ծառայել է հանրապետական ​​նախագահ Ջորջ Բուշ կրտսերի հետ միասին, տասնամյակներ շարունակ եղել է Վաշինգտոնի ազդեցիկ դեմքերից։ Սակայն իր վերջին տարիներին Չեյնին, դեռևս կոշտ պահպանողական լինելով, այնուամենայնիվ, մեծապես մեկուսացել էր իր կուսակցությունից՝ նախագահ Դոնալդ Թրամփին ուղղված իր խիստ քննադատության պատճառով, որին նա անվանում էր «վախկոտ» և հանրապետության համար ամենամեծ սպառնալիքը։ Վերջին ընտրություններում նա նույնիկս իր ձայնը տվել էր դեմոկրատ թեկնածուին՝ Քամալա Հարիսին։