Կովկասում իրավիճակը պահանջում է մշտական ուշադրություն. Շոյգուն՝ Գրիգորյանին

Հարավային Կովկասում իրավիճակը պահանջում է մշտական ուշադրություն։ Նման կարծիք է հայտնել ՌԴ անվտանգության խորհդրի քարտուղար Սերգեյ Շոյգուն Հայաստանի ԱԽ քարտուղար Արմեն Գրիգորյանի հետ հանդիպմանը։ Այս մասին գրում է «ՏԱՍՍ» գործակալությունը։

«Կարևոր է, որ մենք հստակեցնենք դիրքորոշումները։ Այն ամենը, ինչ վերաբերում է  վերջին, տարբեր իրադարձություններին, որոնք տեղի են ունեցել տարածաշրջանում՝ Կովկասում ու մասնավորապես Հարավային Կովկասում, պահանջում են, մեր մշտական ուշադրությունը, խորհրդակցությունները»,-ասել է Շոյգուն։

Գրիգորյանը վստահեցրել է՝ պատրաստ է մանրամասներ ներկայացնել տարածաշրջանում իրավիճակի վերաբերյալ ու շնորհակալություն է հայտնել հանդիպման հնարավորության համար։

Այսօր Մոսկվայում տեղի է ունենում ԱՊՀ անդամ երկրների Անվտանգության խորհուրդների քարտուղարների հանդիպումը։  Հանդիպման շրջանակում Շոյգուն երկկողմ հանդիպումներ է անցկացրել այդ թվում ադրբեջանցի գործընկերոջ հետ։