Թռչնագրիպի պատճառով Գերմանիայում 150,000 հատ ընտանի թռչուն է մորթվել

Թռչնագրիպը հասել է Գերմանիա, ստիպելով կանխարգելիչ միջոցառում իրականացնել ավելի քան 150,000 կենդանու մորթի տեսքով: Թռչնաբուծական ֆերմերները պնդում են, որ Սուրբ Ծննդյան տոների համար թռչունների քանակը պետք է բավարար լինի, քանի որ այն հիմնականում ներկրվում է։ Լուրը Հայտնում է «Դոյչե վելեն»։

Կենդանիների իրավունքների պաշտպանները կոչ են անում ավելի մանրակրկիտ և թափանցիկ հետաքննություն անցկացնել բռնկման պատճառների վերաբերյալ:

Հազարավոր ընտանի թռչուններ է մորթվել նաև Դանիայում, Բրիտանիայում և Նիդերլանդներում։ Եվրոպայի մոյւս պետությունները նույնպես կանխարգելիչ գործողություններ են անում, քանի որ չվող թռչունների միգրացիան նոր է սկսվում։

Մարդու կողմից թռչնագրիպով վարակվելու դեպքերը հավանական են, բայց եզակի։