Գիտեմ, որ քննարկվում է, որ Արծվաշենի դեպքում ավելի լավ է այլ սցենարների գնալ. Փաշինյան

«Սահմանազատման արդյունքում պետք է վերաարձանագրվի Ալմաթիի հռչակագրի հիման վրա  երկրների տարածքային ամբողջականության ուրվագիծը, որից հետո կքննարկվեն բոլոր կոմբինացիաները»,-ԱԺ ճեպազրույցների սրահում լրագրողներին ասաց Նիոկլ Փաշինյանը:

Նա վստահեցրեց, թե տարածքի փոխանակում առանց ՀՀ քաղաքացիների դիրքորոշման հնարավոր չէ անել:

«Չի կարող ՀՀ որևէ ներկայացուցիչ, որևէ վարչապետ հրաժարվել ՀՀ ինքնիշխան տարածքից, այսինքն՝ ՀՀ տարածքային ամբողջականությունը վերականգնելու օրակարգից»,- հայտարարեց Փաշինյանը և հավելեց.

«Մենք ասել ենք, որ  արդեն իսկ մեր գրավոր ստանձնած պարտավորություններին հավատարիմ ենք և բացառում ենք որևէ ուժային սցենար...Երբ այդ ամենը կվերականգնվի, այդ ժամանակ արդեն մնացած բոլոր կոմբինացիաները և վարիացիաները  կքննարկվեն։ Գիտեմ, որ քննարկվում  է, որ Արծվաշենի դեպքում ավելի լավ է այլ սցենարների գնալ»։