Վազգեն Սաղաթելյանին կալանավորելու միջնորդության քննությունն ավարտվեց

«Իմնեմինի» փոդքասթի համահեղինակ Վազգեն Սաղաթելյանին կալանավորելու վերաբերյալ ՔԿ միջնորդության քննությունն ավարտվեց։ Սաղաթելյանի պաշտպան Արսեն Բաբայանն ասաց, ժամը 24։00-ին կհրապարակվի որոշումը։

«Ես դատարանին ներկայացրեցի, որ կալանքի անհրաժեշտություն չկա, այնտեղ խուլիգանություն չկա»,-ասաց Արսեն Բաբայանը՝ ավելացնելով, որ մեղադրանքում միայն խուլիգանության մասին է, չկա սպառնալիքի նկարագրված դրսևորում։

Նիստում Վազգեն Սաղաթելյանը դիրքորոշում է  հայտնել, ըստ որի, ինքը հանցանք չի կատարել։