Որքան փորձում եմ մտնել ու տեղավորվել օրվա տրամաբանության մեջ, չի ստացվում. Սենոր Հասրաթյան

Արցախի Հանրապետության Պաշտպանության բանակի պահեստազորի գնդապետ Սենոր Հասրաթյանը գրում է․

«ԱՆՀԱՍՑԵ ՈՒՂԵՐՁ

Որքան փորձում եմ մտնել ու տեղավորվել օրվա տրամաբանության մեջ, չի ստացվում... Ինչ-որ բան այն չէ, ինչ-որ բան շինծու է՝ մարդու ներքինը մտածված արհեստականությամբ կեղեքելու, դիմացինի ինքնությունը նպատակային փշրելու աննահանջ ցանկություն եմ տեսնում օրվա զարգացումներում, բայց ոչ երբեք Երկիրը, ասել կուզեմ՝ ՄԵՐ-ը պահելու գիտակցված մղում...

ՄԵՆՔ միշտ սիրում ենք ժողովրդին չմեղադրել, ավելին՝ ձգտում ենք նրան արդարացի կամ անարդարացի պաշտպանել... Բայց իրականությունը վերջնահաշվարկում արձանագրում է մեկ ու, թերևս, անբեկանելի ճշմարտություն՝ ինչպիսինը ԴՈւ ես, նույնպիսինն էլ ՔՈ վիճակն է...»։