Վարակված ծաղիկները Վրաստանի սահմանից հետ են ուղարկվել Ադրբեջան

Վրաց-ադրբեջանական սահմանից ծաղիկներով բեռնված մեքենան հետ է ուղարկվել սանիտարական նորմերին չհամապատասխանելու պատճառով։ Այս մասին հայտնում է Грузия Online-ը։ 

Բեռնատարում 10 185 հատ ծաղիկ է եղել: Սանիտարական և կարանտինային հսկողության ընթացքում բացահայտվել են Վրաստանի ֆիտոսանիտարական պահանջների խախտումներ՝ ծաղիկների վրա հայտնաբերվել են կենդանի վնասատու օրգանիզմներ և դրանցով պայմանավորված վնասվածքներ:

Ապրանքների ամբողջ խմբաքանակը վերադարձվել է արտահանող երկիր։