Հավանաբար տիկին Ավանեսյանը չգիտի, որ Հայաստանում կա «Հանրային ծառայության մասին» օրենք. Անուշ Պողոսյան

«Առողջության իրավունք» ՀԿ-ի նախագահ Անուշ Պողոսյանը գրում է.

«Անահիտ Ավանեսյանը այսօր Հոգեկան առողջության պահպանման ազգային կենտրոնի թիմին է ներկայացրել տնօրենի ժամանակավոր պաշտոնակատար Արտակ Ջումայանին։

Հավանաբար տիկին Ավանեսյանը չգիտի, որ Հայաստանում կա «Հանրային ծառայության մասին» օրենք, և այդ օրենքի 32-րդ հոդվածի 7-րդ կետով պաշտոնից ազատվելուց հետո՝ մեկ տարվա ընթացքում արգելվում է ընդունվել աշխատանքի այն գործատուի մոտ կամ դառնալ այն կազմակերպության աշխատողը, որի նկատմամբ պաշտոնատար անձը իր պաշտոնավարման վերջին մեկ տարվա ընթացքում իրականացրել է անմիջական հսկողություն։

Իսկ եթե «գիտի, բայց…» այդուհանդերձ նման նշանակում է արվել, ապա դա արդեն իրավապահների գործն է»։