Ուրալում գտնվող ադրբեջանցիների նոր առաջնորդը ձերբակալվել է

Եկատերինբուրգում իրավապահ մարմինները ձերբակալել են Վիդադի Մուստաֆաևին, ով իրեն հռչակել է Ուրալում ադրբեջանական սփյուռքի նոր առաջնորդ։ URA.RU-ի փոխանցմամբ՝  ձերբակալությանը մասնակցել են հատուկ նշանակության ջոկատայիններ, և Մուստաֆաևը կասկածվում է Ռուսաստանի քրեական օրենսգրքի 159-րդ հոդվածով՝ «Խարդախություն», հանցագործություն կատարելու մեջ։ Այս մասին URA.RU-ին հայտնել են գործին ծանոթ աղբյուրները։

«Նախնական տեղեկությունների համաձայն՝ Մուստաֆաևի դեմ մեղադրանքները ծագել են նրա նախկին փաստաբանի կողմից նրա դեմ բողոք ներկայացնելուց հետո։ Նա, իբր, իրավապահ մարմիններին ասել է, որ Վիդադին կարող է ներգրավված լինել հողային խարդախության մեջ»,-հայտնել է իրավիճակին ծանոթ աղբյուրը։

«Նախնական տեղեկությունները ցույց են տալիս, որ հատուկ նշանակության ջոկատայինները Վիդադիին ձերբակալել են երկու ժամ առաջ, երբ նա մարզասրահ էր ժամանել մարզվելու»,- հայտնել է մեկ այլ աղբյուր։