Մոսկվայից թռչող ինքնաթիռը արտակարգ վայրէջք է կատարել Բաքվում

FlyDubai ավիաընկերության ինքնաթիռը արտակարգ վայրէջք է կատարել Ադրբեջանում։ Այդ մասին հաղորդում է TASS-ը՝ հղում անելով Բաքվի միջազգային օդանավակայանի մամուլի ծառայությանը։

Ինքնաթիռը Մոսկվայից Դուբայ էր թռչում։ Ճանապարհին ուղևորներից մեկի վիճակը վատացել է և անհրաժեշտ է եղել բժշկական օգնություն։ Արդյունքում, ինքնաթիռը նույն առավոտյան վայրէջք է կատարել Բաքվում, որտեղ մասնագետները օգնություն են ցուցաբերել։

«Մասնագետները ներկայումս շարունակում են ուղևորի վիճակի հետ կապված անհրաժեշտ բժշկական միջամտությունները», -նշվում է հաղորդագրության մեջ։