ԶՈւ-ն այսօր այլ մտահոգություններ ունի՝ քամի, բուք. Պապիկյան

«Չեմ կարծում, որ հիմա ինչ-որ լարվածության մասին մտահոգություն կարող է լինել, սահմանին շատ հանգիստ է և պատրաստվում ենք Ամանորին»,- ԱԺ-ում լրագրողների հետ զրույցում ասաց պաշտպանության նախարար Սուրեն Պապիկյանը:

Նա նշեց, որ տոնական օրերին բնականաբար ծառայությունն ավելի զգոն է, բայց հաշվի առնելով նաև եղանակային պայմանները՝ քամին, բուքը, Զինված ուժերն այսօր այլ մտահոգություններ ունի, և առօրյա խնդիրներով են զբաղված։

«Մենք մինչև 3,500 մ բարձրության դիրքեր ունենք, որտեղ  ձյունը հալվում է միայն ամռանը և հոկտեմբերից կարող է ձյան շերտ տեսանելի լինել։ Պայքարում ենք հետևողականությամբ, ամեն ինչ արվում է, որ բանակային դիրքեր տանող ճանապարհները մշտապես բաց լինեն»,-ասել է Պապիկյանը։