Զբոսաշրջիկը հյուրանոցի դեմ դատական հայցի արդյունքում ստացել է 18,000 ֆունտ ստեռլինգ փոխհատուցում

Հյուրանոցի աշխատակցի կողմից արձակուրդի ժամանակ վիրավորված զբոսաշրջիկը 18,000 ֆունտ ստեռլինգ փոխհատուցում է ստացել։ Գրում է  Daily Mirror-ի։

Մանչեսթերից Ռայան Մենդելսոնը երկու շաբաթ գտնվել է Կաբո Վերդեում և տեղավորվել RIU Touareg հյուրանոցում։ Նրա հանգիստը կարճատև է եղել, երբ հյուրանոցի հանդիսավարը վազել է նրա ետևից և կտրուկ հարվածել ոտքին։ Դեպքը տեղի է ունեցել լողավազանի մոտ, երբ Ռայանը զրուցում էր երկու ծանոթ կանանց հետ։

«Ես զգացի, թե ինչպես է ծունկս ճայթում, ծռվում և դուրս գալիս, և ես ընկա գետնին՝ ինչպես կարտոֆիլի պարկը։ Ես ցնցված էի և չէի կարողանում շարժվել», - հիշում է բրիտանացին։

Հյուրանոցի հյուրերը շտապել են նրան օգնելու, իսկ հանդիսավարը բազմիցս ներողություն է խնդրել և, ի վերջո, վիրավոր տղամարդուն տարել է ընդունարան։ Շտապօգնության մեքենան նրան տարել է տեղի հիվանդանոց, որտեղ նա ստացել է ռենտգեն և ներարկում ծնկի մեջ՝ 86 եվրոյով։

Այդ ընթացքում, ըստ Ռայանի, հյուրանոցը փորձել է լրացուցիչ գիշերվա և լրացուցիչ ծախսերի համար պատասխանատվությունը դնել իրենց վրա, բայց նահանջել է, երբ զբոսաշրջիկի մայրը սպառնացել է հրապարակայնորեն խոսել։ Ի վերջո, տղամարդու ընտանիքը ստիպված եղավ հետաձգել իրենց թռիչքը և ինքնաթիռում լրացուցիչ տեղեր գնել։

ՄՌՏ հետազոտությունը ցույց է տվել ծնկոսկրի միջային կապանի պատռվածք, որը պահանջում էր վիրահատություն։ Ռայանը շաբաթը մեկ անգամ այցելում է թերապևտի և բողոքում, որ իր ծունկը դեռևս լիովին չի վերականգնվել և շարունակում է ցավ զգալ, հատկապես ցուրտ եղանակին։

Հյուրանոցի ներկայացուցիչը ներողություն խնդրեց զբոսաշրջիկի ստացած վնասվածքի համար և ընդունեց, որ միջադեպը տեղի է ունեցել «հյուրանոցի զվարճանքի թիմի անդամի կողմից խաղային փոխազդեցության անպատշաճ փորձի» պատճառով։