Սննդաբանը նշել է մեծահասակի համար մանդարինի օրական չափաբաժինը

Մանդարինի չափից շատ օգտագործումը կարող է տհաճ հետևանքներ ունենալ։ Հակացուցումներ չունեցող մեծահասակը կարող է օրական օգտագործել ոչ ավելի, քան չորս մանդարին։ NEWS.ru-ին ասել է սննդաբան Յուլիա Պոպովան։

Մասնագետի խոսքով, ընդամենը երկու կամ երեք միջին չափի մանդարին ապահովում է գրեթե օրական C վիտամինի անհրաժեշտությունը, որն անհրաժեշտ է իմունիտետի և մաշկի առողջության համար: Ավելին, մանդարինը պարունակում է մարսողության համար անհրաժեշտ մանրաթել, հակաօքսիդանտներ և տրամադրությունը բարելավող եթերայուղեր:

Սննդաբանը նաև հիշեցրել է կալորիականության մասին. մեկ միջին չափի մանդարինը պարունակում է մոտավորապես 40-45 կկալ, ինչը կարևոր է հաշվի առնել քաշը վերահսկելիս: Հատկապես զգույշ պետք է լինեն ցիտրուսային մրգերի նկատմամբ ալերգիա, գաստրիտ, ստամոքսի խոց, շաքարային դիաբետ, գրգռված աղու համախտանիշ և ատամի էմալի հետ կապված խնդիրներ ունեցող մարդիկ: