Պուտինն առանձին-առանձին կհանդիպի Փաշինյանի և Ալիևի հետ.Պեսկով

Ռուսաստանի նախագահի մամուլի քարտուղար Դմիտրի Պեսկովի խոսքով՝ ԱՊՀ և ԵԱՏՄ երկրների ղեկավարների նախաամանորյա հանդիպումները բովանդակալից և իմաստալից են, թեև ոչ պաշտոնական։

«ԵԱՏՄ և ԱՊՀ երկրների ղեկավարների նախաամանորյա հանդիպումը, որը բազմիցս հայտարարվել էր, տեղի կունենա։ Այն կազմակերպվում է ամեն տարի, և ավանդույթը պահպանվում է: Բոլորը ժամանում են երկու օրերին էլ: Թեև ոչ պաշտոնական, դրանք դեռևս բովանդակալից, իմաստալից հանդիպումներ են», - լրագրողներին ասել է Պեսկովը։

Նա նաև հայտարարել է, որ Նիկոլ Փաշինյանը և Իլհամ Ալիևը և կմասնակցեն ԱՊՀ ոչ պաշտոնական գագաթնաժողովին։

«Դրանք կկայանան, քանի որ, բնականաբար, Պուտինը այս երկու օրերի ընթացքում բոլորի հետ անհատապես կխոսի։ Սա պարտադիր կլինի», -ասել է նա՝ պատասխանելով ՏԱՍՍ-ի հարցին։

Կրեմլի խոսնակը հավելել է, որ ոչ պաշտոնական շփման նման օրերը միշտ ուղեկցվում են երկկողմ հանդիպումներով։ «Իրականում, սա է այս ձևաչափի արժեքը», - եզրափակել է Պեսկովը։