Չորս երեխա չեն վերադարձել զբոսանքից. Ոստիկանները փնտրում են

Ոստիկանությունը որոնում է չորս երեխաների, որոնք ՌԴ Սամարայի մարզում զբոսանքի դուրս գալուց հետո տուն չեն վերադարձել։ Այս մասին Թելեգրամի ալիքում հայտնել է շրջանային ոստիկանության վարչությունը։

Վարչության տվյալներով՝ անհետ կորել են 10-ամյա տղա և 5, 10 և 11 տարեկան երեք աղջիկ որոնք բոլորը Բեզենչուկ գյուղի բնակիչներ են։ Երեխաները դեկտեմբերի 20-ի երեկոյան զբոսնելու են գնացել և նշանակված ժամին տուն չեն վերադարձել։ Նրանց գտնվելու վայրը դեռևս անհայտ է։

Ոստիկանությունը հայտնել են, որ նրանց ծնողները անհետ կորածի մասին հաղորդում են ներկայացրել։ Ժամը 1:00-ին Բեզենչուկի շրջանային ներքին գործերի վարչությունը տագնապի ազդանշան է հայտարարել։ Իրավապահ մարմինները պատրաստել և երեխաների նկարագրությունները բաժանել են ոստիկանության աշխատակիցներին, Ազգային գվարդիային, համապատասխան կազմակերպություններին և կամավորներին։ 

Քրեական հետաքննության աշխատակիցները որոնումներ և հարցաքննություններ են անցկացնում հնարավոր վկաների հետ, ինչպես նաև որոշում են անհետ կորած երեխաների սոցիալական շրջանակը։ Ոստիկանության ջոկատները, շրջանային ոստիկանության աշխատակիցները և անչափահասների տեսուչները խուզարկություններ են անցկացնում անհարթ տեղանքում, զննում են մոտակա համայնքների բակերը և փողոցները, ստուգում են նկուղները, ձեղնահարկերը, լքված շենքերը և այլ վայրեր, որտեղ կարող են լինել երեխաներ։