«Ինչպիսի հիմարություն». Տարասովան՝ Պետրոսյանի և Վալիևայի համեմատության մասին

Գեղասահքի ԽՍՀՄ վաստակավոր մարզիչ Տատյանա Տարասովան  հայտարարել է, որ սխալ է համեմատել գեղասահորդուհիներ Կամիլա Վալիևային և Ադելիա Պետրոսյանին։ Այս մասին գրում է Советский спорт-ը։

«Կամիլան երիտասարդ աղջիկ է. նա կզարգանա և ցույց կտա, թե ինչի է ընդունակ։ Նա զգում է իր ուժը. ոչ ոք նախապես չգիտի, թե ինչպես ելույթ կունենա։ Ո՞վ է ձեզ դա ասելու։ Համեմատե՞լ Վալիևային և Պետրոսյանին։ Անկեղծ ասած՝ ինչպիսի հիմարություն է», - ասել է Տարասովան։

Դեկտեմբերի 25-ին ավարտվել է ռուս գեղասահորդուհի Կամիլա Վալիևայի՝ հակադոպինգային կանոնակարգի խախտման համար չորս տարվա որակազրկումը։

Վալիևան կրկին իրավունք է ստացել մասնակցելու պաշտոնական մրցումներին։ Նա սկսել է պատրաստվել իր վերադարձին հոկտեմբերի 25-ին՝ վերսկսելով մարզումները Տատյանա Նավկայի ակադեմիայում՝ մարզիչ Սվետլանա Սոկոլովսկայայի ղեկավարությամբ։

 Կանանց մենասահքի Ռուսաստանի կրկնակի չեմպիոն 18-ամյա Ադելիա Պետրոսյանը դեկտեմբերի 20-ին հաղթել է Ռուսաստանի առաջնությունում։