Հրդեհ է բռնկվել «Nissan» մակնիշի ավտոմեքենայում

ՆԳՆ Փրկարար ծառայությունից հայտնում են,որ հրդեհի դեպք է գրանցվել Ջրառատ գյուղում։

«Դեկտեմբերի 26-ին, ժամը 07։53-ին Արմավիրի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Ջրառատ գյուղի հիվանդանոցի մոտակայքում այրվում է ավտոմեքենա։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ հրդեհը բռնկվել է Մկրտչյան փողոցի տներից մեկի մոտակայքում։

Հրդեհը մեկուսացվել է ժամը 08:13-ին, մարվել՝ 08:22-ին: Այրվել է «Nissan» մակնիշի ավտոմեքենայի շարժիչի հատվածը։

Հրշեջ-փրկարարները կանխել են հրդեհի տարածումը դեպի ավտոմեքենայի սրահ»,-ասվում է տարածված հաղորդագրության մեջ։