Շներին լվանալու մեքենայից՝ մինչ ԱԲ-ով աշխատող շրթներկ. 2025 թվականի ամենաանսովոր գյուտերը

Տունը մաքրող մարդանման ռոբոտ, շան լվացքի մեքենա, շրթներկ, որը կարելի է քսել առանց ձեռքերի օգնության... Այս տարին մարդկանց  բազմաթիվ հետաքրքիր և անսովոր գաջեթներ և առաջատար սարքեր է տվել։

Եվրանյուզի հաղորդմամբ, 2025 թվականին արհեստական ​​բանականության, ռոբոտաշինության և նոր սերնդի սարքավորումների զարգացման առումով կտրուկ թռիչքի,  առաջընթացների տարի էր։

Այնուամենայնիվ, ամենահիշարժան հայտնագործություններից մի քանիսը լիովին անսպասելի էին, երբեմն՝ տարօրինակ, ցույց տալով, թե որքան ստեղծագործ կարող է լինել տեխնոլոգիաների աշխարհը։

Եվրանյուզը ներկայացրել է այդ հայտնագործություններից մի քանիսը.

 NE՝ մարդանման ռոբոտ, որը կարող է մաքրել, պարել և գտնել ձեր բանալիները

Ռոբոտները, որոնք մի ժամանակ թվում էին գիտաֆանտաստիկայի մաս, դառնում են իրականություն: Այս ոլորտի վերջին զարգացումներից մեկը NEO-ն է։

Այս տարի ներկայացված որպես աշխարհի առաջին մարդանման ռոբոտը տնային տնտեսությունում օգնելու համար, NEO-ն կարող է ծալել լվացքը, դասավորել պահարանները, պահպանել կարգուկանոնը։

Woofwoof Lux՝ արհեստական ​​բանականությամբ աշխատող շների լվացքի մեքենա

Մի ընկերություն մշակել է արհեստական ​​բանականությամբ աշխատող շան լվացման խցիկ, որն առաջարկում է ձեր կենդանու ցեղատեսակին և մորթու տեսակին համապատասխանող անհատականացված լվացման ծրագրեր։

Woofwoof Lux-ը օգտագործում է ջրի նուրբ շիթեր և կենդանիների համար անվտանգ շամպուններ՝ շներին մանրակրկիտ և սթրեսից զերծ մաքրություն ապահովելու համար։

Woofwoof Lux-ը դեռևս վաճառքում չէ։

Խելացի շրթներկը ներկում է շրթունքները առանց ձեռքերի օգնության

Grupo Boticário-ի «խելացի շրթներկն» օգտագործում է արհեստական ​​բանականություն, համակարգչային տեսողություն և փոքրիկ ռոբոտային ձեռք՝ ձեր շրթունքները քարտեզագրելու և կատարյալ շրթներկը քսելու համար՝ ընդամենը մոտ երկու րոպեում։

2025-ի մյուս հայտնագործությունների մասին՝ սկզբնաղբյուր կայքում։