«Կրասնոդարը» շնորհավորել է Սպերցյանին՝ Հայաստանի տարվա լավագույն ֆուտբոլիստ ճանաչվելու առիթով

«Կրասնոդարը» իր Telegram ալիքում արձագանքել է թիմի ավագ և կիսապաշտպան, Հայաստանի ազգային հավաքականի անդամ  Էդուարդ Սպերցյանի՝  2025 թվականի Հայաստանի լավագույն ֆուտբոլիստ ճանաչվելու մասին լուրին։

«Էդոյի համար արդյունավետ և կենսունակ 2025 թվական։ Հայաստանի ֆուտբոլի ֆեդերացիան Էդուարդ Սպերցյանին ճանաչել է տարվա լավագույն ֆուտբոլիստ։ Շնորհավորում եմ արժանի կոչման կապակցությամբ, ավագ», - գրել է «Կրասնոդարը» Telegram-ում։

Հիշեցնենք, որ Հայաստանի ֆուտբոլի ֆեդերացիան ամփոփել է «Տարվա լավագույն ֆուտբոլիստ» մրցանակի քվեարկության արդյունքները։

17 ձայնով հաղթող է ճանաչվել Հայաստանի ազգային հավաքականի ու «Կրասնոդարի» կիսապաշտպան Էդուարդ Սպերցյանը։ 2025թ-ին 25-ամյա ֆուտբոլիստը Հայաստանի ազգային հավաքականում խփել է 5 գոլ։ Ակումբային կարիերայում Սպերցյանն առաջին անգամ դարձել է Ռուսաստանի Պրեմիեր լիգայի չեմպիոն։ 

Քվեարկության արդյունքում 8 ձայն է ստացել «Ինտերի» կիսապաշտպան Հենրիխ Մխիթարյանը։