Հայտնի է Շվեյցարիայի հայտնի հանգստավայրերից մեկում տեղի ունեցած հրդեհի պատճառը

Շվեյցարիայի բարերից մեկում հրավառությունը դարձել է հրդեհի պատճառ, որի հետևանքով 40 մարդ է զոհվել։ Ռիա նովոստիի հաղորդմամբ, այս մասին հայտարարել է Վալե կանտոնի դատախազ Բեատրիս Պիլյուի։

«Սա հետաքննության հիմնական վարկածն է, որը հաստատվել է», - ասել է նա լրագրողի հարցին, թե արդյոք հրավառությունն է եղել հրդեհի հիմնական պատճառը։

Դատախազը նաև նշել է, որ հետաքննությունը պետք է պարզի, թե արդյոք առաստաղի վրայի ձայնամեկուսիչ ծածկույթը տեղադրված է կանոնակարգերին համապատասխան, և արդյոք օրինական էր հրավառության և բենգալյան լույսերի օգտագործումը փակ տարածքում։

Դատախազը նաև ասել է, որ այս պահին քննիչները չեն կարողանում որոշել Նոր տարվա երեկույթին ներկա մարդկանց ճշգրիտ թիվը։

Նոր տարվա գիշերը հրդեհ է բռնկվել Շվեյցարիայի հայտնի ալպյան հանգստավայր Կրանս-Մոնտանայի բարերից մեկում: Վալե կանտոնալ ոստիկանության տվյալներով՝ զոհվել է 40 մարդ, ևս 119-ը վիրավորվել են, որոնց մեծ մասը գտնվում է ծանր վիճակում։