Ոչ աշխատանքային` տոնական և հիշատակի օրերի նախօրյակին աշխատանքային օրվա տևողությունը կրճատվում է մեկ ժամով. Տեսչական մարմնի հիշեցումը

Տեսչական մարմինն իրազեկում է 2026 թվականի հունվարի 20-ի ՀՕ-1-Ն օրենքով «Հայաստանի Հանրապետության տոների և հիշատակի օրերի մասին» ՀՀ օրենքը լրացվել է 1.2-րդ հոդվածով, այն է.

«Հայրենիքի պաշտպանության համար զոհվածների հիշատակի օր՝ նշվում է հունվարի 27-ին, ոչ աշխատանքային օր»։

Տեսչական մարմնից հիշեցնում են, որ ՀՀ աշխատանքային օրենսգրքի 147-րդ հոդվածի համաձայն.

«Ոչ աշխատանքային` տոնական և հիշատակի օրերի նախօրյակին աշխատանքային օրվա տևողությունը կրճատվում է մեկ ժամով, բացառությամբ կրճատ, ոչ լրիվ աշխատանքային ժամանակի պայմաններով կամ հերթափոխով աշխատող աշխատողների»:

Տեսչական մարմինը հորդորում է բոլոր գործատուներին պահպանել օրենսդրության վերոգրյալ պահանջները։