Իրանական արժույթը ռեկորդային ցածր մակարդակի է հասել՝ 1 դոլարի դիմաց 1.5 մլն ռիալ

Իրանական ռիալը ռեկորդային ցածր մակարդակի է իջել Իսլամական հանրապետությունում լայնածավալ բողոքի ցույցերի ֆոնին։ Այդ մասին հաղորդում է Reuters-ը՝ հղում անելով արժույթի հետևման կայքերի տվյալներին։

Իրանական արժույթը տարիների ընթացքում զգալիորեն արժեզրկվել է պատժամիջոցների ճնշման և տնտեսական խնդիրների պատճառով, ինչը 2025 թվականի դեկտեմբերի վերջին ամբողջ երկրում հանգեցրել է զանգվածային բողոքի ցույցերի։

Իրանական ռիալը պաշտոնապես աշխարհում ամենցածր արժեք ունեցող արժույթն է։ Հունվարի 27-ի դրությամբ ազատ շուկայի փոխարժեքը կազմում է մոտավորապես 1,468,000 ռիալ մեկ ԱՄՆ դոլարի համար, մինչդեռ պաշտոնական, կառավարության կողմից սուբսիդավորված փոխարժեքը կազմում է մոտավորապես 42,000 ռիալ մեկ դոլարի համար։

Ավելի վաղ The New York Times-ը հայտնել էր, որ ամերիկյան հետախուզությունը նախագահ Դոնալդ Թրամփին ներկայացրել է զեկույց, որը ցույց է տալիս, որ Իրանի կառավարությունը գտնվում է իր ամենաթույլ կետում 1979 թվականի հեղափոխությամբ շահի տապալումից ի վեր։