Ոստիկանը փորձել է համացանցով ստիպել անծանոթին բռնшբшրել իր 10-ամյա դստերը

ԱՄՆ-ում Նասաու շրջանի 38-ամյա ոստիկանության դետեկտիվ Ռոբերտ Սակոն կդատապարտվի հորը իր 10-ամյա դստեր նկատմամբ սեռական ոտնձգության հարկադրելու փորձի մեղադրանքով։  Դետեկտիվը նման քայլի էր գնացել որպեսզի կարողանա հեռակա կերպով հետևել սեռական պրոցեսին։ Դեպքի մասին հաղորդում է New York Post-ը։

ՀԴԲ-ի երեքամսյա գործողության ընթացքում Սակոն, ըստ քննիչների, նամակագրվել է գաղտնի գործակալի հետ, որին նա համարում էր աղջկա հայրը։

Ըստ դաշնային մեղադրական եզրակացությունների, կասկածյալը գումար է առաջարկել երեխայի մերկ լուսանկարների համար և համառորեն պահանջել է, որ «հայրը» անձամբ բռնաբարի դստերը ուղիղ եթերում տեսակապի միջոցով։ Զրույցների ընթացքում նա խոստովանել է մանկահասակ աղջիկների նկատմամբ երկարատև «մոլուցքի» մասին՝ այն անվանելով իր «գաղտնի այլասերումը», և քննարկել է երեխայի համար սեքս խաղալիքներ գնելու առաջարկը։

Ըստ մեղադրողների՝ նամակագրությունը աստիճանաբար սրվել է. դետեկտիվը ուղարկել է իր անկեղծ լուսանկարներ և մանրամասն քննարկել իր հանցավոր ծրագրերը։

«Դետեկտիվ Սակոյի դեմ մեղադրանքները ցնցող և զզվելի են։ Դրանք ոչ մի կերպ չեն արտացոլում մեր ոստիկանության արժեքները», -ասել է Նասաու շրջանի ղեկավար Բրյուս Բլեյքմանը։ Ոստիկանությունը հրաժարվել է լրացուցիչ մեկնաբանություն տալ՝ հղում անելով տարածված հաղորդագրությանը։

Սակոն հեռացվել է ծառայությունից՝ առանց վարձատրության պահպանման։ Նա մեղադրվում է անչափահասի սեռական բնույթի գործողությունների դրդելու փորձի մեջ։ Մեղավոր ճանաչվելու դեպքում նրան սպառնում է մինչև 25 տարվա ազատազրկում և 250,000 դոլար տուգանք։