Ձմեռային օլիմպիական խաղերում Հայաստանի և Ադրբեջանի միջև «երաժշտական վեճը» լուծվել է

Հայկական սպորտային զույգ Կարինա Հակոբովա / Նիկիտա Ռախմանինը 25-րդ ձմեռային օլիմպիական խաղերում՝ կարճ ծրագրով, ելույթ էին ունենալու Արա Գևորգյանի «Արցախ» ստեղծագործության ներքո։ Սակայն Ադրբեջանի Ազգային օլիմպիական կոմիտեն բողոք էր հայտնել ձմեռային օլիմպիական խաղերում այդ ստեղծագործությունն օգտագործելու կապակցությամբ:

The Guardian-ը գրում է, որ Չմշկասահքի միջազգային միության (ISU) վերանայումից հետո Հայաստանի և Ադրբեջանի միջև «երաժշտական ​​վեճը» լուծվել է։

Կոմիտեն հայտարարության մեջ նշել է, որ երգի օգտագործումը կբերի քաղաքական ուղերձներ օլիմպիական մրցումներում և կխաթարի Օլիմպիական խարտիայի սկզբունքները, որոնք պահանջում են քաղաքական չեզոքություն Խաղերի ժամանակ։

Ըստ այդմ, համաձայն ISU-ի կողմից 2025-26 մրցաշրջանի համար հրապարակված երաժշտական ​​գրանցամատյանի՝ զույգերի չմշկասահքի կարճ ծրագրի ցանկում այժմ երաժշտությունը նշված է որպես «Երաժշտությունը՝ Արա Գևորգյանի», այլ ոչ թե նշված է ստեղծագործության անվանումը։