Պետական բարձր մակարդակի այցերի ժամանակ հագուստը պարզապես անձնական ընտրություն չէ. Աստղիկ Ավետիսյան

«Պետական բարձր մակարդակի այցերի ժամանակ հագուստը պարզապես անձնական ընտրություն չէ․ դա դիվանագիտական հաղորդակցություն է և պետության ներկայացման լեզու։ Յուրաքանչյուր դետալ՝ մազից մինչև կոշիկ, հաղորդագրություն է փոխանցում միջազգային հանրությանը՝ որքան ենք մենք լրջորեն վերաբերվում պետական արարողակարգին»,-անդրադառնալով ԱՄՆ փոխնախագահ Ջեյմս Դի Վենսին ու նրա կնոջն ընդունելության ժամանակ Փաշինյանի կողակցի՝ Աննա Հակոբյանի հագուստին՝ գրում է հանրային կապերի մասնագետ Աստղիկ Ավետիսյանը։

Նա մանրամասնում է՝ այսպիսի հանդիպումներում casual կամ չափազանց անհատական ոճային շեշտերը (օրինակ՝ ոչ արարողակարգային աքսեսուարներ, ոչ կառուցվածքային հագուստ, առօրյա ոճ) թուլացնում են պետական ներկայացուցչականության զգացողությունը և հանդիպումը տեղափոխել անձնական, ոչ ինստիտուցիոնալ դաշտ։

«Պաշտոնյաները պետք է հիշեն՝ նրանք այդ պահին ոչ թե անհատ են, այլ պետության տեսանելի խորհրդանիշ։

Ուստի կարևոր է․

ընտրել խիստ դասական, կառուցվածքային և արարողակարգային հագուստ,

խուսափել casual կամ ուժեղ անհատական դետալներից,

մտածել ոչ թե «ինչն է հարմար», այլ «ինչ հաղորդագրություն է ստանում աշխարհը»։

Պետությունը ներկայացնելը սկսվում է մանրուքներից։ Իսկ պետական մշակույթը ձևավորվում է հենց նման տեսանելի պահերից։

Հ.Գ. Երկրորդ լուսանկարն այն մասին է, թե ինչպես պետք հագնվել իրականում։ Դեմքերին ուշադրություն մի դարձրեք` կոկիկություն և հագուստի գույն ու ոճ...»։