Ալեն Սիմոնյանից ի՞նչ տառ կմնար։ B տառը. Ալիկ Ալեքսանյան

«Ժողովուրդ ջան, ի՞նչ եք կարծում, որ Ալեն Սիմոնյանն ու իր շեֆը համարձակվեին որևէ երկրում ռադիոտուն գրավեին, Ալեն Սիմոնյանից ի՞նչ տառ կմնար։ B տառը։ Իրա շեֆից էլ չասեմ՝ ինչ կմնար»,-արձագանքելով ԱԺ նախագահի պաշտոնը զբաղեցնող ՔՊ-ական Ալեն Սիմոնյանի հայտարարությունների՝ ասում է «Մեր ձևով» շարժման անդամ Ալիկ Ալեքսանյանը։

Նա շարունակում է.

«Ես հասկանում եմ, Ալեն, վախեցել եք, վախն ընկել է ջաներդ, որ պարտվում եք։ Բայց ոչինչ։ Այո, Հայաստանը լինելու է ուժեղ, այո, Հայաստանն ունենալ է ուժեղ առաջնորդ։ Ու Հայաստանի ղեկավարներն իրենց քաղաքացիների հետ շփվելու են շատ հարգանքով, ոչ թե ալենների նման»։

Այսօր Ալեն Սիմոնյանը հայտարարել է, որ Սամվել Կարապետյանը սկսել է քաղաքականությամբ զբաղվել, քանի որ իր նկատմամբ առկա է քրեական գործ։

«Մարդիկ հիմար չեն, հասկանում են, ինչի է ինքը զբաղվում քաղաքականությամբ, ինչի» մինչև հիմա չէր զբաղվում, առաջարկում եմ այդ հարցերն իրեն տաք։ Արգելք չկա, իմ իմանալով, զումով արեք, գնացեք իր մոտ հարցերը տվեք»,-ասաց Սիմոնյանը։