Ամենից շատ կարդացված նյութեր
.jpg "Հեռու մնացեք ցուցամոլությունից, եթե պահք եք պահում, ապա կարիք չկա այդ մասին աշխարհին հայտնելու, ստատուսներ գրելու. Հայր Զաքարիա")
Հեռու մնացեք ցուցամոլությունից, եթե պահք եք պահում, ապա կարիք չկա այդ մասին աշխարհին հայտնելու, ստատուսներ գրելու. Հայր Զաքարիա
Այսօրվանից մեկնարկել է է Մեծ Պահքի շրջանը, որը տևում է 48 օր` Բուն Բարեկենդանից մինչև Ս. Հարության (Զատկի) տոնի նախօրեն: Պահքի շրջանում օգտագործում են բացառապես բուսական ծագում ունեցող սննդամթերք:
Հայր Զաքարիան թվարկում է 5 գործնական քայլ Մեծ Պահքը ճիշտ սկսելու համար.
«Առաջին. հոգևոր նպատակ ունեցեք, եթե պահքի մեջ հոգևոր նպատակ չկա, ապա անիմաստ է նման պահեցությունը։
Երկրորդ. հրաժարվեք կենդանական սննդից, բայց նաև մի չարաշահեք բուսականը, մի կենտրոնացեք ուտել- չուտելու վրա, այլ ուշադրություն դարձրեք ձեր հոգևոր կյանքին։
Երրորդ. հոգևոր սնունդ ընդունեք, այսինքն ամեն օր Աստվածաշունչ կարդացեք, աղոթքներ արեք, հնարավորության դեպքում անպայման մասնակցեք ժամերգություններին և կիրակնօրյա պատարագներին։
Չորրորդ՝ հրաժարվեք մեղքերից և ձեր կախվածություններից։
Հինգերորդ. հեռու մնացեք ցուցամոլությունից, եթե պահք եք պահում, ապա կարիք չկա այդ մասին աշխարհին հայտնելու, ստատուսներ գրելու, ուրիշներին նեղություն պատճառելու։ Միշտ հիշեք՝ հոգևոր սխրանքը լռություն է սիրում»։
Studio One