Դե Նիրոն Թրամփին անվանել է «հիմար», Թրամփը՝ Դե Նիրոյին՝ «հիվանդ և խելագար»

ԱՄՆ նախագահ Դոնալդ Թրամփը պատասխանել է հոլիվուդյան դերասան 82-ամյա Ռոբերտ Դե Նիրոյի քննադատությանը: Truth սոցիալական ցանցում նրա գրառումը մեջբերել է Metro-ն։

«Ռոբերտ Դե Նիրոն` ևս մեկ հիվանդ և խելագար անձնավորություն, իմ կարծիքով չափազանց ցածր IQ-ով, ով բացարձակապես պատկերացում չունի, թե ինչ է անում կամ ասում, և նրա որոշ հայտարարություններ լուրջ հանցագործություններ են»,- գրել է նա։

Նա հավելել է, որ Ամերիկան ​​այժմ «ավելի մեծ է, ավելի լավ, ավելի հարուստ և ավելի ուժեղ, քան երբևէ, և դա խելագարեցնում է (Թրամփի հակառակորդներին)»։

Գազետա.ռու-ի հաղորդմամբ, Ռոբերտ Դե Նիրոն ավելի վաղ  Թրամփին անվանել էր «հիմար»։ Նա իր մտքերը երկրի ապագայի մասին կիսվել էր MSNBC-ի «The Best People with Nicolle Wallace» փոդքասթի ժամանակ։ Մասնավորապես, Դե Նիրոն հայտարարել էր, որ Թրամփը «կկործանի երկիրը», ուստի քաղաքացիները «պետք է ազատվեն նրանից»։

Դե Նիրոն բազմիցս քննադատել է Սպիտակ տան ներկայիս վարչակազմը: