Սոչիում երկրաշարժ է տեղի ունեցել

Այսօր առավոտյան Սոչիում տեղի է ունեցել 4.5 մագնիտուդով երկրաշարժ։ Քաղաքապետ Անդրեյ Պռոշունինը լուրը հայտնել է իր Telegram ալիքում։

Քաղաքապետի հաղորդմամբ, հանգստավայրի ենթակառուցվածքները չեն վնասվել։ Միասնական դիսպետչերական ծառայությունը հետևանքների մասին որևէ տեղեկատվություն չի ստացել։ Պռոշունինը հավելել է, որ մասնագետները սպասում են սեյսմիկ իրադարձության հաստատմանը և թարմացված տվյալներին։

Գազետա.ռու-ի հաղորդմամբ, մարտի սկզբին Սոչիում մեկ ժամ ընդմիջումներով տեղի է ունեցել երկու երկրաշարժ՝ 4.4 և 4.8 մագնիտուդ ուժգնությամբ։ Իշխանությունների տվյալներով, ոչ ոք չի տուժել, և վնասների մասին տեղեկություններ չկան։ Սեյսմոլոգները նշում են, որ նման ցնցումները հաճախ են տեղի ունենում Կուբանի շրջանում։