Գերմանիան զենքի վաճառքի ծավալներով գերազանցել է Չինաստանին

Վերջին հինգ տարիների ընթացքում Գերմանիան զենքի վաճառքի ծավալներով գերազանցել է Չինաստանին ։ Ռուսաստանից արտահանումը նվազել է 64%-ով։ Այդ տվյալները ներկայացված են 2021-2025 թվականների համաշխարհային զենքի շուկայի վերաբերյալ Ստոկհոլմի միջազգային խաղաղության հետազոտությունների ինստիտուտի նոր զեկույցում, որը ներկայացնում է «Դոյչե վելե»-ն։

Այս ընթացքում Գերմանիան գերազանցել է Չինաստանին և դարձել աշխարհում չորրորդ խոշորագույն զենքի մատակարարը՝ կազմելով համաշխարհային արտահանման 5.7 %-ը։ Գերմանական զենքի գրեթե մեկ քառորդը Ուկրաինային է ուղարկվել որպես օգնություն, իսկ ևս 17%-ը՝ այլ եվրոպական երկրներ։

Աշխարհում զենքի ամենամեծ մատակարարը Միացյալ Նահանգներն է՝ 42% մասնաբաժնով։ Վերջին հինգ տարիների ընթացքում նրա մասնաբաժինը աճել է 6 տոկոսային կետով։ Ֆրանսիան երկրորդն է՝ 9.8% մասնաբաժնով։ Ռուսաստանը երրորդն է (6.8%)։

Ռուսաստանը զենքի 10 խոշորագույն մատակարարներից միակն էր, որի արտահանումը նվազել է 64%-ով։ Ռուսաստանի մասնաբաժինը համաշխարհային զենքի արտահանման մեջ 2021-2025 թվականներին երեք անգամ փոքր է, քան նախորդ հնգամյա ժամանակահատվածում (21%)։ Ռուսական արտահանման գրեթե երեք քառորդը բաժին է ընկել երեք երկրների՝ Հնդկաստանին (48%), Չինաստանին (13%) և Բելառուսին (13%)։