Երևանում գտնվող անձեռոցիկի արտադրամասում հրդեհ է բռնկել

Մարտի 20-ին, ժամը 00։13-ին ՆԳՆ 112 օպերատիվ կառավարման կենտրոն ահազանգ է ստացվել, որ Երևան քաղաքի Շերամի փողոցում գտնվող անձեռոցիկի արտադրամասում կրակ է նկատվում։ Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ և Հրդեհաշիջման և փրկարարական աշխատանքների կազմակերպման բաժնի հերթապահ խումբը։

Փրկարար ծառայության հաղորդմամբ, պարզվել է, որ այրվում է աղբ։

Հրդեհը մեկուսացվել է ժամը 00։50-ին, մարվել՝ 01։25-ին։ Մոտ 100 քմ տարածքում այրվել է աղբ։