Իրանը հայտարարել է, որ հակամարտությունից հետո կշարունակի վերահսկել Հորմուզի նեղուցը

Իրանը պատերազմից հետո կշարունակի վերահսկել Հորմուզի նեղուցը։ Այս մասին Ռիա Նովոստիին ասել է Իրանի խորհրդարանի էներգետիկայի հանձնաժողովի ներկայացուցիչ Էսմայիլ Հոսեյնին։

«Այս նեղուցի կարևորության վերաբերյալ կասկած չկա, և կասկած չկա, որ Իրանը կշարունակի վերահսկել այն թե՛ պատերազմի ընթացքում, թե՛ դրանից հետո», - ասել է աղբյուրը։

Ավելի վաղ Իրանի փոխարտգործնախարարը հայտարարել էր, որ Թեհրանը մշակում է Հորմուզի նեղուցի համար նոր իրավական ռեժիմ, որը ուժի մեջ կմտնի հակամարտության ավարտից հետո: Իրանը նախատեսում է համագործակցել Օմանի հետ այս հարցում:

Դրանից հետո Իրանի խորհրդարանը հայտարարել է, որ քննարկում է Հորմուզի նեղուցով անցնող նավերի համար վճարներ սահմանելու օրինագիծ, իսկ Ռուսաստանում Իրանի դեսպանն ասել է, որ Հորմուզի նեղուցը պետք է անվտանգ լինի բոլորի համար կամ ոչ մեկի համար։