Ավան վարչական շրջանում բացվեց «Բարգավաճ Հայաստան» կուսակցության գրասենյակը

«Շարունակելով մեր աշխատանքը համայնքներում՝ Ավան վարչական շրջանում բացվեց «Բարգավաճ Հայաստան» կուսակցության գրասենյակը»,-ֆեյսբուքյան իր էջում տեղեկացրել է ԱԺ նախկին պատգամավոր, գործարար, բարերար Գագիկ Ծառուկյանը։

Նա նշում է. «Մենք ձևավորել ենք բաց ու հասանելի հարթակներ, որտեղ յուրաքանչյուր քաղաքացի կարող է ազատ խոսել իր խնդիրների մասին, կիսվել մտահոգություններով և մասնակցել դրանց լուծմանը։ Միայն ազգային համախմբմամբ կարող ենք ուղղել մեր մեջքը, վերականգնել մեր արժանապատվությունը և կառուցել այն հայրենիքը, որտեղ մարդն իրեն կզգա պաշտպանված և վստահ վաղվա օրվա նկատմամբ»։