Հարակից 2 շենքերի բնակիչները տարհանվել են. Նարեկ Սարգսյան

««Կանազ» մշակույթի տան մոտ գտնվող 2 շենքերի բնակիչները տարհանվել են։ Այժմ հրդեհաշիջում է իրականացնում 13 մարտական հաշվարկ։ Փրկարարները կանխել են կրակի տարածումը դեպի բնակելի շենքեր»,-Դեպքի վայրում լրագրողներին ասաց ՆԳՆ մամուլի քարտուղար Նարեկ Սարգսյանը։

Ըստ նախնական տվյալների՝ Կանազ մշակույթի տանը բռնկված հրդեհի հետևանքով տուժածներ չկան։

Նարեկ Սարգսյանի խոսքով` շենքը գրեթե ամբողջությամբ այրվել է։

Հայտնելով, որ հրդեհի պատճառները կպարզվեն լրացուցիչ ուսումնասիրությունից հետո՝ ՆԳՆ մամուլի քարտուղարն ասաց.

«Բարդություն է առաջացել, քանի որ շենքն ունի բաղդատային հատված, որը շատ ավելի հեշտ է այրվում։ Այդ հատվածում այժմ նաև քանդման աշխատանքներ են իրականացվում»։