ՀՀ իշխանությունները դրսում խոնարհվում են ադրբեջանցիների առաջ, ներսում իրենց պատառոտում են՝ հայտարարելով, թե հաջողել են, իրենց դեմ խաղ չկա. Աբրահամյան

«Իշխանության տարբեր ներկայացուցիչների մեծամիտ հայտարարություններն ես լսում․ մեկ՝ հսկայական զենք-զինամթերքի գնումներից են խոսում, մեկ՝ աննախադեպ ծախսերից, մեկ՝ հավակնոտ ծրագրերից»,- նշել է ԱԺ «Պատիվ ունեմ» խմբակցության պատագմավոր Տիգրան Աբրահամյանը։ 

Ըստ նրա, բնական հարց է առաջանում․ եթե ամեն ինչ այդքան հրաշալի է, եթե այդքան մեծ արդյունքներ եք գրանցել, ապա ինչո՞ւ է ձեր պաշտոնավարման ամբողջ շրջանը ուղեկցվել պարտություններով, ողբերգություններով, մարդկային և տարածքային կորուստներով։

«Դրսում՝ խոնարհվում են ադրբեջանցիների առաջ, շարժվում նրանց թելադրանքով, իսկ ներսում՝ իրենց պատառոտում են՝ հայտարարելով, թե հաջողել են, թե իրենց դեմ խաղ չկա»,-գրել է Աբրահամյանը։